Chip da BIOS- click para máis información
BIOS ou sistema básico de entrada e saída, é un pequeno chip que se atopa na placa base. Actívase cando arrancas a computadora. BIOS refírese tanto ó elemento físico como o programa que executa.
A súa función principal é iniciar o sistema operativo e probar o hardware do sistema, realiza un test da memoria RAM e comproba que os dispositivos ( discos duros, por exemplo) están conectados. Neste proceso os configura e os pon a disposición do sistema operativo. Polo tanto, se a BIOS non é capaz de detectar un dispositivo non poderá ser usado polo sistema operativo.
O seu nome vén das primeiras versións, cando realizaba funcións de entrada e saída, levaba os datos dende os dispositivos ó procesador. Agora utilízanse sistemas máis rápidos que permiten saltarse o paso pola BIOS.
A CMOS é un chip da placa base que se encarga de gardar a información que precisa a BIOS para realizar as súas funcións.
A BIOS só hai que actualizala cando sexa estritamente necesario (para que funcione con controladores novos, por exemplo), a diferencia doutros programas que se actualizan periodicamente.
Algunhas permiten o “overclocking“, que consiste en acelerar a velocidade que vén predeterminada de fábrica, aínda que pode dar problemas se non temos unha boa refrixeración e normalmente reduce a vida útil dos compoñentes.
Interfaz do programa BIOS
Vídeo sobre como entrar á BIOS: